Daig pa ng senado ang isang peryahang kalimitang makikita sa mga piyesta ng mga santo at santang naglipana sa
buong bansa.
Siyempre pa, pinangunahan ito si Senadora Jambiboy na
nahalal dahil napagkamalan ng mga bobong masa noong 2004 na si Judy Ann Santos. Akala nila ang binoboto
nila si Judy Ann at hindi si Kampanyerang Kuba.
Paano naman kasi, imbis na asikasuhin ang pag-gawa ng batas at iba pang mas mahalagang gawain ng mambabatas, eh inuuna pa ang pagsawsaw sa Hayden Kho sex video scandal.
Ewan ko lang talaga kung ano ang mapapala ng tao sa ginagawa nitong si Senadora Jambiboy na dahil nga daw Chairman ng Committee on Women and Youth ng senado eh may lisensya nang magpatawag ng mga artistang mahilig magkang-kangan sa harap ng video camera.
Hay! Oo nga naman!
Punong-puno ng drama ang mga kaganapan sa senado.
Una ang pagbubuhos ng tubig kay Hayden Kho na parang eksena
sa isang teleserye. Hinihintay ko na lang na may manampal bigla.
Tapos ang pamumustura ng dalawang artistang naging senador na si Bong Revilla at si Jinggoy Estrada.
Blockbuster na masasabi ang palabas ni Senadora Jambiboy, may patutsada pang maaaring may sangkot dito na isang malaking drug syndicate at ito diumano ang siyang kumuha ng pwersahan mula kay Hayden ng mga sex video.
Tiyak! Napulot na naman ito ni Jambiboy mula sa barbero ng kalbo niyang asawa.
Pero bakit nga ba atat na atat si Jambiboy na sumawsaw sa Hayden Kho sex scandal? Paano kasi, sinabihan ito ni Judy Ann na ayaw na talaga niyang maging endorser ni Jamby.
Paano na naman niya maloloko ulit ang mga masa sa 2010 na iboto siya kung wala na siyang celebrity endorser?
Hindi si Judy Ann ang unang artistang sinikap niyang kupkupin at alagaan upang maging endorser niya sa halalan.
Matapos itong mahalal nung 2004, dumating sa buhay niya si Alec Bovick na dumulog dahil inaabuso daw ito ng kanyang manager. Abah! Sa sobrang pagkahilig sa artista, agad-agad itong nagbigay ng apartment na magsisilbing safehouse ni Alec. At hindi lang iyan, pati allowance binigyan pa si Alec. Pero, sa kalaunan, matapos magamit para sa publicity, initsa na lang na parang lumang edisyon ng FHM.
At ngayon, meron na naman siyang aakayin na artista sa katauhan ni Katrina Halili na sobrang drama ang opening statement.
"Artista po ako. Trabaho ko ang maghatid ng tuwa. Pantasya ng telebisyon at pelikula. Pero tulad ng iba may pribado ring buhay din ako gaya ng lahat. Sa pagkakataong ito. dangal ko at dangal ng pamilya ang pinag uusapan dito. Minahal ko si Hayden. bata ako kaya madaling nalagyan ng piring ang aking mga mata para isisping ako lang ang nagmamay ari ng puso niya. pero gaya ng lahat ng relasyong nagsimula sa kasinunagalingan wala itong pinatunguhan.
Wala akong malay na ang bawat yakap at halik ay scripted. Buong-buo kong binigay yung puso at ang kaluluwa ko sa isang lalaking gumagawa pala ng sariling pelikula. Ang tanga ko. Imbes na doktor, direktor pala. Inaamin ko ang pagkakamali ko. Ang pagkakamali ko ay minahal ko siya. At naniwala ako na minahal nya rin ako ng lubusan.
Ako raw ang prinsesa niya sa ikalawa niyang mundo. Bata po ako madali niya ako napaniwala. Ako ang biktima rito. Araw-araw biktima ako habang pinapanood ang nasabing video. Hangad ko po ang hustisya at hukuman kahit alam kong habang buhay ko nang dadalhin ang ginawa sa akin.
Pero, bakit ba tila mahilig sa babaeng celebrity itong si Jambiboy. Hmmm? At ngayon, ikalawang sexy star na ito sa buhay niya.
At siyempre bakit siya titigil sa isang celebrity endorser sa katauhan ni Katrina Halili kung pati si Hayden Kho eh magiging endorser din niya.
Sabi pa nga nito, "Dalawa ang biktima dito. Una si Katrina na kinunan ng sex video at ikalawa, itong si Hayden na biktima ng droga."
Abah!
Mukhang namumuro si Senadora Jamby ah. Biruin niyo, nakasalang sa committee of the whole ngayon ang kaso niya laban kay Senator Manny Villar at ngayon, nakasalang sa committee niya ang Hayden-Katrina scandal.
Sobrang daming publicity niyan ah!
